PDA

View Full Version : Help ons asb om die boodskap uit te kry. Vlak1



Unregistered
09-18-2013, 09:07 AM
Lukas, die draad met dieselfde naam, is op vlak 2 forum. Die algemene pupliek kan dit en die video dus nie sien nie. Is dit so beplan, of mag ek dit hier kom plaas? Ek vra die vraag hier, want ek kan nie daar pos nie.

Tom

A508
09-20-2013, 08:42 AM
Die boodskap kan direk ook op Akska se Webblad uitgedra word as daar nog 'n blad vir al die geestelikes geskep word waarop hulle kan redeneer en mekaar aanvat. Vir my is dit regtig swak advertensie as Akska gebruik word om die Bybel te intepreteer na elkeen se smaak.

Die wat nie weet nie en graag meer van Akska wil leer dink regtig dit is een of ander radikale godsdiens groep.

Dit is reg en ons moet mekaar geestelik versterk. Maar na 15 bladsye se redenasie oor wie is reg en wie nie, het niemand nog vir my gese dat as ek vanaand net die buitelig skuif dan val al die planne plat.

As ons mekaar dan moet aanvat oor die Bybel, kry die ander ou se e-pos adres en doen julle ding daar.

Ek dink rerig hierdie webblad kan beter benut word

Trudie

Lukas
09-20-2013, 09:08 AM
Goeie mŰre Tom en 508.

Ek het dit eers agter gesit om die nodige kritiek te kry voor ons die boodskap voorop sit. Dit lyk of dit ín goeie besluit was omdat ek glo te moeg en te gevrek voorgekom het. Die kritiek was geloofwaardig omdat ek regtig moeg was. EK het my een dogter gekry om te kom help en ons sal dit vanaand weer oordoen en dan glo ek, sal die boodskap reg wees om voorop te sit.

Die vorige onderhoud se klank is ook nie reg nie en ek sal dit ook later regmaak en weer plaas.

508.

Jy is reg. Die geestelike besprekings oordonder die hele blad en al die ander plasings word die hele tyd weggesteek agter die geestelike bespreking. Die geestelike bespreking is ook belangrik in die sin dat dit vir baie ander mense antwoorde gee.

Die bespreking wat tans aan die gang is, sal nooit klaarkom nie. Dit is soos wanneer drie mense op verskillende posisies sit en dan ín akkurate beskrywing van ín drie dimensionele voorwerp weergee soos wat hulle dit vanuit hulle hoek sien.


Maar al kry hulle nie die antwoord nie, begin dit prentjie vir die mense wat die vier benaderings gelyktydig raaksien ín driedimensionele beeld aanneem, maar ek dink dat ons onder die anonieme forum ook ín soortgelyke forum vir geestelike besprekings moet oopmaak. Op daardie manier hoef die mense wat geloofsekerheid het, nie elke keer deur die muur te gaan om by ander besprekings uit te kom nie.

Ek het gevra dat Tom toegang moet kry om verstellings agterop die blad te doen. Ek weet nie of Baardman al met Tom gepraat het nie. Baardman is baie besig met ín kontrak wat al sy tyd op neem . Maar sodra hy tyd kry sal hy vir ons so forum skep as Tom dit nog nie kan doen nie.

Lukas
09-22-2013, 05:36 PM
Laat weet my maar weer of ek te gevrek lyk.

http://youtu.be/bO-gBzTzha0


http://youtu.be/bO-gBzTzha0

478
09-23-2013, 04:29 AM
Excellent. I 'spoeg en plak' it around the whole world. Thinking of going intergalactic next.................:p

Lukas
09-23-2013, 08:22 AM
Hahah. I Think we can go partly global as long as Africa is involved.

Unregistered
09-23-2013, 09:13 AM
dit lyk goed!

Tom
09-23-2013, 10:24 AM
Jip, ek stem saam, dit is baie goed. Veral die klank is myle beter. (Die klank was eintlik my enigste kritiek op die vorige een)

As ek moet iets uitlig wat kan verbeter, sal ek sÍ die advertensie konsentreer baie op 'nabetragting' ( "wie het dit gedoen") en te min op voorkoming, wat eintlik AKSKA se sterkpunt is. Ek weet dit is moeilik, omdat mense wat nog nie getref is nie, nie tweekeer na n voorkoming strategie wil kyk nie en eerder op sy sekuriteit maatskappy en alarms steun, want hy het dit nog nie aan sy eie bas gevoel nie. Miskien n opvolg video?

Tom

PS. Lukas, julle het my nou oor die jare gehelp om ontlae te raak van sekuriteit maatskappye. Ek sal graag van versekering wil ontslae raak. Kan julle my eits oor weerlig leer? Is daar tekens wat ek kan lees en tyd en datum kry? hehe, sommer n ou stupid grappie, soos daai tiener wat sÍ, julle het my nou met my puisies gehelp, kan julle nou iets aan my stem doen?

Unregistered
09-23-2013, 10:27 AM
Ai tog, ek het gepos sonder om te besef ek is ingelog. Nou lÍ die pos iewers en wag om goed gekeur te word. Kan iemand hom miskien daar uitkry?

Tom

Unregistered
09-23-2013, 01:50 PM
Mooi Lukas, dit lyk goed.

SA419
09-24-2013, 03:05 PM
Middag da. Lukas my "vote" is vir die video, trek aandag, jy praat duidelik en raak aan da waar dit seermaak en die TV met die video in die agtergrond doen die ding. Greetings

Unregistered
10-03-2013, 11:41 PM
Dankie vir die kritiek Tom.

Ja, hierdie keer praat ons glad nie van voorkoming nie. Mense verstaan dit eenvoudig nie. My gedagte was om maar eers by ín punt te begin wat mense reeds verstaan. Wanneer hulle ons eers daarvoor ken sal hulle ook van die voorkoming bewus raak.

Tog lyk dit op hierdie stadium nie of die boodskap aanvaarbaar is nie. Ons reaktiewe vermoŽns is skynbaar nog altyd te goed om waar te wees. Op Youtube was daar minder as 200 kykers. Op die Facebook, lyk dit vir my was daar net 91 likes. Dan wonder ek of ons, ons tyd verder moet mors.

Wat die weerlig betref moet jy dalk iets anders probeer. Grond daardie antenna van jou met ín dik koperplaat so 4 vt in die grond en anker jou koperplaat onder in die gat in kwik. Dit sal nie vir die puisies help nie maar dit kan die beeld dalk langer op die kassie hou.

Unregistered
10-04-2013, 12:36 AM
Lukas, ek dink nie dit is n geval van dat die boodskap onaanvaarbaar is nie. Ek dink dit is n kwessie van 'knipoog vir n meisie in die donker'. Net jy weet daarvan. Hierdie draad het nou so 525 'views'. Dit is baie misleidend. Dit is n klein groepie mense wat weer en weer kom lees elke keer as daar n nuwe pos is en dit jaag die 'views' op. Ek sal verbaas wees as daar 100 mense in hierdie groepie is. 200 kyke op YT is dus nie sleg as jy dit daarmee vergelyk nie.

Ek dink die mense moet meer probeer om die boodskap uit te kry. Ek dink nie ons gesels genoeg daaroor op ander plekke op die internet nie. Julle kan dit ook sterk oorweeg om n Google veldtog aan die gang te kry. Mens betaal 'per click', maar ek vind dit absoluut die moeite werd. Daarsonder kon ek maar my goed op pak en loop. 90% van my besigheid kom van Google af.

Die mense moet regtig ook probeer om twitter boodskappe hieroor te doen. Veral mense wat baie 'followers' het. Ek het maar iets soos 60, hehe. Weereens knipoog ek in die donker. Ek het nog nie ge tweet nie, sal moet n plan maak.

Op die einde van die dag, gaan alles hier oor internet bemarking. Gee die web blad n 'face lift' met belangrike en mooi prentjies, videos en skakels op die voorblad. Trek dan mense na die blad met n Google Addwords veldtog.

En kry n 'social network' deskundige om te help. Al moet jy hom betaal.

Lukas
10-07-2013, 12:32 AM
Dankie vir die raad. Jy praat van goed waarvan ek niks weet nie maar ek sal daarna kyk.

Hoe werk n google veldtog en wanneer is mense bereid om per click te betaal en aan wie doen hulle die betalings?

Unregistered
10-07-2013, 11:21 AM
Lukas, nee, die mense betaal nie om daarop te kliek nie, jy betaal wanneer hulle daarop kliek. hehe

Wanneer iemand iets van n onderwerp wil weet, of n maatskappy soek om n diens aan hulle te lewer, is die eerste ding wat hulle doen, om vir Google te raad pleeg. Google is die internet. Wanneer jy vir iemand vra, 'het jy al op die internet gekyk', vra jy hom eintlik of hy al gaan Google het oor die saak. Ja, daar is baie ander soek enjins, maar Google is by verre die algemeenste.

Volgende begrip.
Wat is die top punt van desperaatheid? Antwoord - Om op die tweede bladsy van Google te kliek! Hiermee word bedoel dat al die (beste) antwoorde, aanvaar word, om op Google se eerste bladsy te verskyn. Bittermin mense kliek dus op opvolgende bladsye. Dit veroorsaak dat n kompetisie ontstaan om op Google se eerste bladsy te verskyn. In die begin was dit maklik vir die deskundige, want hulle het geweet hoe Google werk en wat jy moet doen om op die eerste bladsy geplaas te word deur Google se soek enjin. Google het egter besluit dit is beide, onregverdig as n geleendheid vir hulle om geld te maak uit hierdie aanvraag na bladsy een. Hulle begin toe Google Addwords.

Addwords werk soos n vandusie. Mense (adverteersders) plaas n bedrag wat hulle bereid is om te betaal per kliek. Dit wissel geweldig en word bepaal deur die vraag en aanbod van verskillende sleutel woorde. Dit kan wees van n paar sent per kliek tot oor die R20 per kliek. In my industrie moet ek n bod van meer as R5 per kliek insit as ek enigsins n bod hier en daar wil wen. Sou ek elke bod wou wen, dan moet ek so R10 bie. Maar dan gooi ek ook geld weg. So wat gebeur? Die soeker tik n sleutelwoord in. Die soekenjin gaan kyk dan wat hy vind daaroor en dan evalueer hy die rang orde volgens die hoogste bod na die laagste bod. Eintlik is dit baie meer ingewikkeld en n sweterjoel ander goed word ook in aanmerking geneem. Dit gee die spesialis n bietjie voordeel, maar op die ou end kan jy aan al die vereistes voldoen en as jou bod te laag is of jy het nie n bod nie, kan jy maar vergeet om op bladsy een te wees, al is jou blad ook hoe goed saamgestel. Die teenoorgestelde is ook waar. Die spesialis se blad kan hoe goed aan al die vereistes voldoen, maar as sy bod te laag is, gaan jou swakker tegniese blad hom klop en bo hom verskyn. So nou het jy n klompie keuses op bladsy een. SÍ die eers gelyste op die blad se bod is R5 en die laas geslyste op die eerste blad se bod is R2. Nou word dit die gebruiker se keuse en hy gaan deur die beskrywing van elke keuse en klik op wat sy aandag trek. Klik hy op die boonste keuse, verdien Google R5 wat die adverteerder betaal, klik hy op die laagste, verdien Google R2 wat daardie adverteerder betaal. So maak nie saak waar die gebruiker klik nie, Google maak geld, dit is net die bedrag wat verskil.

Hierdie is n baie kompeterende onderwerp en ek kan selfs aangeval word hier deur slim mense wat gaan se nee, doen eerder so of sus. Ek probeer egter net die prinsiep verduidelik en gee nie n strategie nie. Dit laat ek oor aan die slim mense.

My raad sal dus wees, kry n deskundige wat vir julle n web blad opstel. Hierdie web blad is slegs vir bemarking en om mense se aandag te trek. Dit is nie n forum nie, maar verwys ook na die forum. Dit is baie belangrik dat die web blad goed beplan word, goed lyk, oordra wat jy wil op n maklikke en verstaanbare manier, dat dit tegnies aan al Google se vereistes voldoen en laastens dat n goeie Addwords veldtog met fondse beskikbaar is om die veldtog te dryf. Jy en die deskundige moet ook besluit op n goeie reeks sleutelwoorde. n Sleutel woord is die woorde wat n gebruiker gebruik wanneer hy na n onderwerp soek. Dus n raai raai speletjie om te voorspel wat hy gaan intik en dan daarop te bie. Jy kan die hele tyd hierdie lys sleutelwoorde verfyn en Google help ook daarmee deur jou statistieke te gee van verskillende woorde. Jy kan ook besluit op n bedrag wat jy bereid is om te betaal per maand vir jou veldtog. Se jou begroting is R1000 per maand. Google hou dan aan om jou blad aan te bied, tot jou R1000 opgebruik is. Dit kan in die begin van die maand of in die midedel van die maand gebeur, wat beteken jy kry dan nie verdere blootstelling vir die res van die maand nie. Jy kan dan heroorweeg en jou begroting verhoog, of maar wag vir die volgende maand om weer blootstelling te kry.

Dit dan in n neute dop.

Hoop jy verstaan beter.

Tom

PS. Gaan tik 'misdaad voorkoming' in op Google. Daar is geen adverteerders nie, net artikels en forums. Waarom? Adverteerders sien dit nie as n sleutelwoord(e) vir hulle besighede nie. Wie gaan dit nou intik as hy na n maatskappy soek? Dit sal dus wys wees om n paar sent op die sleutel woorde te bie. Dan verskyn jou web blad heel bo aan die lys! Jy kan dit selfs nou al doen, sonder n gespesialiseerde web blad. Adverteer die forum so.

As jy lui is, klik op die skakel, dan doen ek dit vir jou!

http://goo.gl/wIea9G

Unregistered
10-07-2013, 11:24 AM
O ja, Google trek die berag wat jy spandeer het maandeliks van jou rekening af.

A516
10-08-2013, 04:12 PM
Ek dink dat die facebook blad eers 'n beter kans gegun moet word, die blad het vinnig followers gekry, maar ek sien dat die video nog net een keer ge"share" is, en dit was ek gewees wat dit op my blad geplaas het. Miskien moet ons eerder die followers vra om die video na hulle eie fb blaaie te "share", en sommer ook na hulle vriende s'n. Ek het onlangs by 'n groep op fb aangesluit en die video met die groep gedeel, kom ons gee dit 'n kans en sien hoeveel mense ons kan bereik. Om die webblad 'n opkikker te gee is ook 'n goeie idee. Mense hou ook daarvan as jy hulle onmiddelikke behoeftes aanspreek soos om vir hulle te verduidelik hoekom die personeel die meel en die suiker wegdra en dan stry as jy haar van diefstal beskuldig. Deur sulke eenvoudige voorbeelde op fb te adverteer kan meer mense se belangstelling geprikkel word. Hou die blad lewendig om deurlopend ietsie op die 'status update' te sÍ.

Unregistered
10-09-2013, 08:37 AM
Daar is 27 Afdelings van versekering, voorspoed as jy daarvan wil ontslae raak. Weerlig is maar 'n kleeeeein gedeelte van afdeling Brand. Daar is daar nog nie eers sprake van gespesialiseerde versekering soos jou Security Liability nie.

Unregistered
10-09-2013, 11:57 AM
516, ek stem absoluut met jou saam. Facebook is n vereiste. So ook die gereelde byvoeg van nuttige en interesante artikels. Moet ook nie Twitter vergeet nie. Hierdie dinge is n moet en deel van jou 'online' bemarking. Dit alles moet ook n link he na jou web blad en forum. Google kyk daarna en as dit baie lewendig is, gee dit jou baie punte op gradering.

Enigiets wat nie lewendig is nie, is tot jou nadeel. Selfs die forum. Kyk net hoe gou belangstelling gaan taan as daar nie gereeld poste op die forum verskyn nie. Net so met n web blad, Facebook, Twitter of wat ook al. Aanlyn bemarking is n voltydse werk.

Ek is nie n Facebook gebruiker nie, haat dit, maar ek stem saam, mense moet 'share'. Dit help ongelooflik baie.

Tom

Unregistered
10-11-2013, 12:23 PM
Social media is geskep om die mens se tyd van sy gesin en geliefdes en sy God af te steel.

Unregistered
10-11-2013, 04:25 PM
Dan kan ons dit mos weer gebruik om die mense by hulle God en by hulle geliefdes uit te kry. Akska se uitslag veroorsaak dit mos.

456
10-12-2013, 06:19 AM
Social media is geskep om die mens se tyd van sy gesin en geliefdes en sy God af te steel.

# Dit mag so wees. Net so is tv kyk, sport, rugby, golf, of enige iets anders, ja selfs jou werk, wat jy bo God en jou gesin stel.

Jy as Christen se prioriteite behoort as volg te wees. 1 God. 2 Jou gesin. 3 Jou werk. 4 Daarna kom al die ander dinge waarin jy moontlik in mag belangstel. Dit kan sport wees, of enige ander belangstellings. Die hoofsaak is om gebalanseerd te lewe. Jy is tog in beheer van hoe jy jou tyd bestee. Jy dra jou dagboek en bepaal jou afsprake.

Daar is goeie boeke wat jou daarmee kan help. Steven Covey se boek: 7 Habits if highly successful people, is maar een.

Die sosiale media kan ook doeltreffend deur Christene gebruik word om die Evangelie boodskap uit te dra, so dit is nie noodwendig verkeerd en boos nie.

Die vraag ontstaan: Is jy die man, of die muis in die huis?

K

Unregistered
10-12-2013, 12:04 PM
Sjoe, is dit nie lekker om Satan se instrumente teen hom te gebruik nie?

Tom

Unregistered
10-12-2013, 05:22 PM
Net so Tom.

Unregistered
10-14-2013, 07:55 AM
Ondervinding het geleer dat Satan 'n brullende leeu is. Hy kan jou nie aanraak solank jy onder Jesus is nie. Daarom staan daar in Openbaring, KOM UIT HAAR UIT. Ons moet uit die aardse sisteme uitbeweeg. Social media is daar om jou in te verslind en op te vreet. Maar ons is slim, ons kan dit mos beheer of hoe? ONS gebruik SATAN se instrumente teen hom. AKSKA kry dit die of daai reg. Waar laat dit Jesus is in die prent? Hy het die oorwinnings meer as 2000 jaar reeds bereik, ons het nie nodig om die battle te fight wat klaar gewen is nie. Ons moet net STAAN. Selfs hierdie stukkie se geskryf is sinneloos, want dit het 3 minute van my tyd gevat wat ek nooit weer gaan terug kry nie, ek kon dit of by God spandeer het, of met my kinders. Wat werk aanbetref, as jy nie werk nie sal jy nie eet nie. Soms moet ek harder werk, ander kere minder. Ek het nie menslike kennis nodig om my te leer hoe om my tyd te spandeer nie, daarvoor vertrou ek vir God. Die kern HIER lyk my is nie om "die boodskap" uit te kry nie, maar om geld te maak, deur gebruik te maak van ideologie. Politiek en religie was en is nog altyd goeie geld. Meer lede = Meer geld. Dit gaan nie oor een of ander "boodskap" nie.

Unregistered
10-14-2013, 08:02 AM
"Dan kan ons dit mos weer gebruik om die mense by hulle God en by hulle geliefdes uit te kry. Akska se uitslag veroorsaak dit mos"

Wie kry die glorie in die sin? Jesus of AKSKA...................wonder maar net?

Unregistered
10-14-2013, 08:25 AM
ē The group displays excessively zealous and unquestioning commitment to its leader and (whether he is alive or dead) regards hisbelief system, ideology, and practices as the Truth, as law
ē Questioning, doubt, and dissent are discouraged or even punished.
ē Mind-altering practices are used in excess and serve to suppress doubts about the group and its leader(s).
ē The leadership dictates, sometimes in great detail, how members should think, act, and feel
ē The group is elitist, claiming a special, exalted status for itself, its leader(s) and members
ē The group has a polarized us-versus-them mentality, which may cause conflict with the wider society.
ē The leader is not accountable to any authorities
ē The group teaches or implies that its supposedly exalted ends justify whatever means it deems necessary. This may result in members' participating in behaviors or activities they would have considered reprehensible or unethical before joining the group
ē The leadership induces feelings of shame and/or guilt iin order to influence and/or control members. Often, this is done through peer pressure and subtle forms of persuasion
ē The group is preoccupied with bringing in new members
ē The group is preoccupied with making money.
ē Members are expected to devote inordinate amounts of time to the group and group-related activities.
ē The most loyal members (the ďtrue believersĒ) feel there can be no life outside the context of the group.

Unregistered
10-14-2013, 09:18 AM
#25, ek verstaan nou nie heeltemal nie. Hierdie Forum, is 'social media' al klaar. Wat sÍ die woord van n lamp? Sit jy dit onder n emmer, of op die tafel waar almal dit kan sien? Wat doen 'social media'? Bring dit iets in die oopte of steek dit die 'iets' weg?

Social media is die effekstiefste manier om mense te bereik wat soek. Ek self het die meeste gegroei in my geloofs lewe vandat ek die internet gebruik. Hier kom kennis uit wat jy maar nerens gaan kry nie. Nou gaan jy se, nee, lees jou Bybel. Dit is reg. Maar hoe verstaan jy wat jy lees as jy nie kan naslaan nie? Hoe ondersky jy die leun van die waarheid as jy nie kan oplees en bid vir wysheid en lyding deur die Gees as jy nie toegang tot die kennis het nie? In die laaste dae sal die kennis grootliks vermeerder. Klink dit bekend?

Dus ja, lees jou Bybel en deurdink Sy woord dag en nag.

Moet die internet afgesweer word as sonde? Moet Lukas hierdie forum toemaak en net sit en hoop die boodskap kom by die uit wat daarna soek? Moet hy dit wat God hom gee met n emmer bedek?

Ja, social media kan n euwel wees of word. Alles in die lewe is so en alles het balans nodig. Dit is wat jy daarvan maak. Ek stel dit dat dit beter is om ure voor die rekenaar te spandeer as ure saam met jou gesin voor die TV. Op die rekenaar kan ek ten minste kies waarmee ( die onderwerp) ek myself besig hou. Op die TV word vir my gekies en in my keel afgedruk. Ja, jy kies, maar alles is eers uitgewerk en goedgekeur vir jou waaruit jy kan kies.

Social media is n stuk gereedskap. Jy kan goed of kwaad daarmee doen...

Tom

PS. If guns killed people, how does anyone escape alive from n gun show?

PPS. Ek self haat Facebook, al so gese. Maar maak dit Facebook n euwel? Is Facebook nie maar net die nuwe kuier met vriende nie? Ons dryf uit mekaar, trek weg van mekaar, het nie tyd vir mekaar nie. Nou kom daar iets wat dit vervang en ons weer in verbinding hou, maar ons verwerp dit as euwel? Die antwoord bly maar, balans. Soos geskryf staan op die restuarant muur - 'No, we do not have Wi-Fi, talk to each other!'

Unregistered
10-14-2013, 09:37 AM
Ek stel dit dat dit beter is om ure voor die rekenaar te spandeer as ure saam met jou gesin voor die TV.

Bostaande sin sal nou seker weer uitmekaar getrek word. Ek gaan net antwoord soos my ma my as slim tiener geantwoord het - n goeie begrip het n halwe woord nodig. Die kern bly balans.

Unregistered
10-14-2013, 09:42 AM
Nee wat Facebook is nie 'n euwel nie, hoe kan dit wees? Dit is deur die CIA geskep. Nou by die CIA se hoofkantoor in Langley by die ingang is 'n brons plaat, met die teks verwysing: "And the truth shall set you free". Gegewe die feite moet dit alles Christelik wees :-)

Unregistered
10-14-2013, 10:28 AM
So aan jou sarkasme moet mens aflei Facebook is totaal n euwel, on-christelik en moet ten alle koste vermy word? Daar kan niks goeds uit kom nie... Kan glad nie tot Sy Eer aangewend word nie en ook nie om Sy opdragte uit te voer nie?

Tom

Unregistered
10-14-2013, 10:40 AM
Nope nie my plek om vir ander te besluit nie, kan maar net praat uit ervaring. Besluite word deur elke persoon self geneem.

Lukas
10-14-2013, 11:50 AM
Ek vermoed dat 26 en 27 dieselfde persoon is. Dankie, vir jou plasing en ek vind die analise van sektes nogal baie insiggewend. Maar met AKSKA is daar ín klein verskilletjie. Ons kennis in nie op spookstories gebaseer nie. Ons kennis het besighede aan misdaad tot so veel as 8 miljoen per maand gespaar. Ons kon die polisie help waar hulle geen leidrade kry nie, om suksesvolle arrestasies te maak. Ons het al plaasaanvallers en huisrowers voorgelÍ en ingewag waar hulle op grond van ons kennis wel opgedaag het. Dit wat ons weet is ín wetenskap en kan fisies gemeet word. Dit is dus nie ín ideaal wat soos ín polis vir die dag beplan word, wanneer jy reeds dood is nie.

Die meeste AKSKA lede is mense wat reeds deur die ervaring is en wat self al die dood in die gesig gestaar het. Ja, om mense op grond van hulle eie ervarings te keur is bietjie kras en daar sal verseker ín gemeenskaplike gevoel van oorwinning onder die lede wees. Maar al die AKSKA lede is nie mense wat al aangeval was of wat aanvalle voorkom het of wat gesteelde goedere teruggekry het nie. Van die lede het wel op hulle eie van die tekens bewus geraak en dan uit nuuskierigheid ín vyf dag kursus bygewoon om hulleself te bemagtig, waarna hulle uit hulle eie besluit het om deel van AKSKA te word.

AKSKA lede betaal geld om lid te wees. Die geld word gebruik om met die navorsing in die tekens (Kriptografie) voort te gaan. Die Navorsing is nie gratis nie. Ons het swart lede wat ons in die verband raadpleeg, en wat ons ook op ín maandelikse basis vir hulle dienste aan ons betaal. Terwille van interessantheid. Die swart lede woon nie in dieselfde provinsie nie. Hulle ken mekaar nie en daarom kan die inligting wat ons van hulle kry, ook geverivieer word. En wanneer hulle nie die antwoorde het nie, kry hulle dit by die steeds dienende bendelede.

Waarom ons nie AKSKA lidmaatskap oopgooi nie is eenvoudig. Die meeste mense dink dat ín verwesterse swart man in Afrika, eintlik wit mense in swart velle is. Die waarheid is dat dit nie die geval is nie en dat die mense nog baie sterk tradisies en geheime het wat nie met wit mense gedeel mag word nie. Hier moet jy my mooi verstaan. Alhoewel swart mense die lewe anders as ons beleef, beteken dit nie dat hulle noodwendig sleg is nie. Ek ken meer swart mense wat ek aan my kant in ín oorlog sal vertrou as wat ek wit mense ken. Tog is swart mense nie wit mense in swart velle nie.

Wanneer ek die kennis wat ons oor 23jaar bymekaargemaak het, voetstoots aan lede van die publiek beskikbaar stel, kry jy artikels in die koerante, gesprekke op die radioís en wat meer is. Die datum en tyd berekenings verander landwyd. Waarom? Omdat mense die kennis wat aan ons in misdaad die voordeel gee, op die maniere met die misdadigers deel. Waarom moet ek so dom wees om die kennis waarvoor ons so hard gewerk het en waarvoor een van my swart mense vermoor is omdat hy dit met ons gedeel het, vir jou gee wat nie sensitief oor die kennis is nie?

Geld. Natuurlik soek ons geld om te werk. Ons het geld nodig om die kennis te kry. Ons het geld nodig om al die fotoís wat landwyd vir ons ge MMS word, se selfoon rekenings te betaal. Ons het geld nodig om ons telefoon kostes wat ons het, wanneer ons jou bel om jou te help om jou eie probleme op te los, te betaal. Ons het geld nodig om die voertuie wat vir AKSKA se doel gebruik word, in stand te hou. Ons het geld nodig om die lede wat hulle eie werke en lewens het en wat landwyd vir ander mense met hulle probleme help, finansieel vir hulle tyd en onkoste te ondersteun. Hoe meer geld ons in AKSKA kry, hoe groter kan ons word en hoe meer mense kan ons help.

EK kan soms tot 65 oproepe per dag kry. Mense wat ek nooit geld vir die inligting wat ek deel, vra nie. Maar ook mense wat ek op my eie koste moet terugbel sonder om hulle ín sent te vra. AKSKA lede se bydra is nie genoeg om die uitgawes te dra nie en die grootste uitgawe per maand om die diens te lewer moet ek nog uit my eie sak bydra.

My eie sak. Vir die doel het ek ín maatskappy gestig waar ek die kennis wat ek oor 23 jaar opgedoen het, in die kommersiŽle mark gebruik. Ons kostes om dit wat ons in AKSKA aan ons medemens bied, word in die maatskappy verband aan ín geldwaarde gekoppel. En ek weet nie van een individu wat die geld het om ons te bekostig nie. Vir ín klein projek beloop ons koste voor ons by enige winste kom, ongeveer R300 000 per maand. Dan het ek vyf mense in diens. Ons telefone, brandstof, beriggewers en voertuie se uitgawes is die grootste gedeelte daarvan.

Om AKSKA se dienste lewensvatbaar aan die publiek te bied, sal dit min of meer dieselfde wees. Net die inligting wat ons uit die tekens kry, word byvoorbeeld deur analiste ge analiseer en verwerk om ín inligtings prentjie te bou. Net die inligting wat een operateurs span uit die veld kry, word teen ín koste van R450 per uur verwerk. Dan word dit deur ín onafhanklike maatskappy verwerk wat nie deel van AKSKA of die maatskappy is nie. Met ander woorde. Om ín span AKSKA lede in jou buurt aan te stel, sal net die verwerking van die inligting wat hulle insamel, reeds meer as R80 duisend rand per maand wees. Dan kom voertuie, brandstof, verblyf, telefoonkoste, data koste en salarisse.

Jou woonbuurt kan ons nie bekostig nie. Hoe ons ook al na die saak kyk, julle het eenvoudig nie die geld om aan ons basiese behoeftes te voorsien nie.

Wat is die naasbeste plan. Die tweede beste plan is om ín koste per kop uit te werk en om dan op daardie manier, die individue wat die kennis opdoen, so te bemagtig dat elke persoon net sy eie huis kan beveilig. Jou gemeenskap kan ons nie bekostig nie maar as jy die insig het om te verstaan wat ons jou leer en jy by ons reŽls hou sodat ons kennis nie aan die misdadigers bekend raak nie, kan ons jou help om jouself te help.

Noem dit wat jy wil. Ons is ín groep wat die kennis wat ons het as sensitief beskou en dit terwille van ons eie veiligheid vir onsself hou. Ons kan nie die land beveilig en kalm maak nie maar ons kan jou op ons voorwaardes help, sodat jy jou eie huis vir jouself ín beter plek kan maak.

En wanneer jy genoeg mense in jou gemeenskap kan betrek sodat die misdaad in jou area afneem, sal jou eie eiendoms waarde toeneem, totdat die kennis in die gemeenskap weer afgeneem het tot ín vlak waar die misdadigers weer toegang kan kry. Erasmia is ín goeie voorbeeld. Vir vyf jaar kon ons aanvalle met die kennis afbring na nul per jaar. Na vyf jaar het genoeg mense hulle eiendom verkoop sodat die kennis sodanig afgeneem het dat misdadigers weer ín voet in die deur kon kry.

Gaan dit oor geld? Ek glo nie. Daar is vandag te veel AKSKA lede wat of hulle werk verloor het of wat as gevolg van siekte nie meer hulle bydrae kan lewer nie. Geeneen van hulle was daarvoor gepenaliseer nie. Daar is ook te veel mense wat ons help en wat nie ons dienste kan bekostig nie maar wat tog deur ons gehelp word.

Gaan dink maar weer daaroor wanneer ons probeer om meer geld te kry. Dit gaan nie oor ons nie. Dit gaan nie oor verryking nie. Dit beteken slegs dat ons meer mense bekostigbaar kan help.

Jesus of Akska.

Dit is voorwaar ín goeie vraag. Sonder God sou ons nooit die kennis gehad het nie. Maar die kennis van ín aanval wat teen jou beplan word, is vir die meeste mense traumaties en skielik is hulle vrees groter af hulle geloof. In meer as 90% van alle bedreigings wat ons identifiseer, het ons ín groter sending taak as wat ons ín misdaad voorkoming taak het. Jesus het aan ons Sy kinders soveel beloftes gegee waaraan ons kan vashou en wat aan ons die oorwinning in enige sake gee. Maar wanneer die vrees potensiŽle slagoffers beetpak, is dit ons taak om hulle van al hierdie beloftes bewus te maak en om hulle weer op die regte spoor te help. AKSKA is die enigste werk wat ek nog ooit gehad het waar mense as gevolg van, en deel van my werk, werklik tot bekering gekom het.

Gevolgtrekking: Sonder Jesus is daar nie ín bestaansreg vir AKSKA nie.

Unregistered
10-14-2013, 01:01 PM
En word AKSKA as die enigste volhoubare oplossing vir misdaad in SA beskou?

Lukas
10-14-2013, 03:04 PM
Dit is ín baie wye vraag wat na ín baie relatiewe antwoord soek.
Kyk eers hierna.

http://m.news24.com/news24/SouthAfrica/News/South-Africans-live-in-fear-20130922

South Africans live in fear

A survey commissioned by a local pharmaceutical company has found that South Africans live in perpetual fear of falling victim to crime - with 94% of those polled being "extremely afraid".


Johannesburg - A survey commissioned by a local pharmaceutical company has found that South Africans live in perpetual fear of falling victim to crime.

According to the Sunday Independent, Pharma Dynamics - which specialises in treating depression - found that 94% of people who took part in the survey were "extremely afraid" and that perceptions of insecurity were really high.

Pharma Dynamics spokesperson Mariska Fouche said the survey was indicative of how much crime, especially violent crime, can contribute to a mass fear of insecurity.

According to Fouche, the survey was conducted on Wednesday last week and 1 000 adults were interviewed from around the country

__________________________________________________ _______________________________


Wie sal AKSKA as ín volhoubare oplossing beskou?

Vra jy jou vraag vir die 100 mense by wie die bogenoemde ondersoek ingestel is, sal geeneen van hulle eers weet wie en wat AKSKA is nie.

Vra jy dit vir mense wat reeds die AKSKA kursusse gedoen het, gaan jy ook twee antwoorde kry. Een groep sal daarby sweer en ín ander groep sal vir jou sÍ dat dit te ingewikkeld is om te verstaan omdat hulle op een dag met te veel kennis oordonder was, om die begrip daarvan te verstaan.

Vra jy my, sal ek vir jou sÍ dat die antwoord in die bogenoemde ondersoek is. Die antwoord is nie by AKSKA nie maar dit is in jou verhouding met God. God is nie ín God van vrees nie en daarom kan ons Sy stem ook nie hoor wanneer ons vreesagtig is nie. Nie een gelowige was al in die verlede aangeval sonder dat hy deur God gewaarsku was dat onheil broei nie. Maar baie wat in die verlede aangeval was, se vrese of daaglikse omstandighede was moontlik van so aard dat hulle nie die ďcheck in die geesĒ gehoor het nie.

Terselfdertyd is aan ons alle mag gegee wat aan Jesus gegee was. Met ander woorde, ons het alle mag oor die bose. Maar as die bose ín swerm eende was wat iewers in die hemelruim vlieg, kan ons nie voor ons gaan slaap, met die haelgeweer ín skoot in die lug skiet en verwag dat daar ín eend uit die lug sal val nie. ( Baie gebede om beskerming kom nie by God uit nie)

Wanneer ons die mag het wat aan Jesus gegee was, beteken dit dat ons daardie mag slegs het, wanneer ons in die Vader se wil leef. Wanneer ons Vader ons waarsku en ons bid dan teen die ding waarteen Hy ons waarsku, sal ons sonder dat ons ooit nodig sal hÍ om enige iets van teken of kultuurverskille te weet, altyd suksesvol wees.

AKSKA is net ín teleskoop waardeur ons die eende kan sien wanneer ons die waarskuwing gekry het. En wanneer ons dan teen die bedreiging bid, bid ons dit gewoonlik dood, voor ons enige fisiese aksies hoef te loots.

Die enigste volhoubare oplossing teen misdaad is Christus. Maar dit beteken nie dat ons die bedreigings van die aarde vee en alle mense binne God se riglyne sal leef nie. Dit sal eers gebeur wanneer Jesus weer op die wolke kom.

Maar wat ons moet doen, is om in ons handel en wandel, vreesloos waarde tot alle mense se lewens toe te voeg, sonder om vir hulle te preek en om sensitief genoeg te bly, sodat ons God se stem die hele tyd kan hoor, sodat ons binne Sy wil kan bly. Volhoubaarheid is slegs moontlik wanneer jy konstant binne God se Wil bly en konstant in ín twee rigting verhouding met Hom is.

Geen mens sal die land volhoubaar misdaadvry maak nie. Wanneer ons een kursus in ín gebied gedoen het, het die misdaad gewoonlik vir ses maande verdwyn. Dit is nou wanneer daar meer as 10% van die gemeenskap die kursus bygewoon het. Ek praat van plekke soos Kirkwood, Uitenhage, Bloemhof, Magaliesburg, Erasmia om ín paar te noem. Na ons daar was, het die misdaad vir ses maande verdwyn omdat mense bewus was. Na die ses maande het misdadigers teruggekeer omdat die mense toe afgestomp en vergeet het. Volhoubaar ? Nee. Moontlik? Ja.

Elke mens kan net vir sy eie volhoubaarheid verantwoordelik wees. En daardie antwoord is in jou eie persoonlike verhouding met die enigste Lewende God. AKSKA is net ín gereedskapstuk. God is die oplossing.

Unregistered
10-14-2013, 03:25 PM
Die vraag was of AKSKA se MODEL die oplossing was, ek sien nie die punt daarin om teologie hierby te meng nie, word dit gedoen moet elke weerbare man in SA vuurwapens kry, want elke weerbare Israeliet het sy wapens gehad. Die vraag bly, IS AKSKA die enigste oplossing? Ja of nee

Lukas
10-14-2013, 07:52 PM
Daar was twee vrae wat ek saam geantwoord het.

Wanneer jy ín huis in Gauteng oor twee jaar kan bou sonder dat een steen, draad, plank, koper, brons, pyp,lig of kraan gesteel word, kan jy seker sÍ dat die model werk. Wanneer jy ín samesweerder tot ín moord of roof, maande voor die tyd op grond van jou inligting, tot ín bekentenis kan oortuig, kan ín mens seker sÍ dat die model werk. Wanneer jy die omstandighede kort voor ín beplande misdaad kan verander sodat jy die beplanner van die misdaad se inligting onder sy maatjies verdag maak en hulle slaan die maatjie wat die beplanning gedoen het se kop inmekaar, kan jy seker sÍ dat die model werk. Wanneer jy ín vir ín persoon ín maand vooruit kan vertel dat daar oor ín maand op ín spesifieke datum en tyd, iemand van ín bepaalde rigting sal kom om seker vrae vir hom te vra en dit gebeur, kan jy seker sÍ dat die model werk. Wanneer jy ín man waarsku dat daar volgens jou informasie ín beplanning is om hom te vermoor en hy lag jou af en hy word toe tog later vermoor, kan jy seker sÍ dat die model werk.

Maar terselfdertyd is dit wat jy as ín teologie beskou vir ons ín werklikheid. En sonder daardie werklikheid sou ons geen sukses gehad het nie. En wanneer jy eendag ons hulp nodig het en ons aan jou ín scenario moet verduidelik wat vir jou in die nagte uit die slaap gaan hou, gaan jy verseker by ons die antwoorde kry wat nie vandag wil hoor nie.

Jy kan verseker sÍ dat ons model vir mense wat die reŽls van die model volg, werk.

Unregistered
10-14-2013, 08:08 PM
Kan jy nie lees nie? NEE, Lukas se dan vir jou, Christus.

Unregistered
10-15-2013, 08:22 AM
Ek haal aan: "En wanneer jy eendag ons hulp nodig het en ons aan jou ín scenario moet verduidelik wat vir jou in die nagte uit die slaap gaan hou, gaan jy verseker by ons die antwoorde kry wat nie vandag wil hoor nie"
1) My slaaplose nagte is verby dankie
2) Ek het nie mense nodig om my vrees te leer nie, ek ken dit uit ervaring, en weet dit is NIE wat my God wil hÍ nie
3) My vertroue is absoluut op Jesus, geen mens, stelsel, sisteem of kennis nie.
4) Menslike kennis is dwaasheid in die oŽ van God
5) Ek gee nie om wie in beheer is nie, misdadiger, sangoma, president....Jesus bly koning
6) Ek is wel baie vertroud met die Intelligensie omgewing. Ek het verskeie mense ontmoet wat die Afrika Tekens ken, maar nie vir Lukas Swart nie, dis snaaks gewees vir my.
7) Selfs van my kontakte wat Europa gewerk het, vertel my dat hulle al op verskeie geleenthede saam was waar sekeres in die SAW die tekens analiseer het, maar nie een ken vir Lukas nie?
8) Dan die tergende vraag, wat het by Bop gebeur, ek persoonlik het al drie weergawes gehoor, en nie een klop met die ander nie

Daar is my antwoord

Unregistered
10-15-2013, 09:21 AM
Baie interessant wat hier gebeur die afgelope 24 uur of so. Dit wil voorkom asof iemand baie benoud is dat die boodskap dalk sal uitkom. Is dit die sekuriteit maatskappye? Of die jaloesie van n voormalige werknemer met n persoonlikke vendetta? Of die donker magte self?

Wat het sovÍr plaasgevind.

1. Eers word die baie efektiewe 'social media' afgekraak en afgeskiet as on-Christelik, satanies.
2. Daarna vind n aanval plaas wat AKSKA wil voorstel as n sekte.
3. Toe word die ou, ou 'geldmaak' storie ingesleep.
4. Nou word Lukas persoonlik aangeval en onder verdenking gebring.
En dit alles onder die dekmantel van ? So, wat is in die volgende aflewering?

Lukas, iewers doen jy iets reg en maak die regte geluide om so aangeval te word. n Benoude kat maak benoude spronge.

Nou waar het alles begin? O ja, jy wil die boodskap uit kry en het n video gemaak. Die aandag word goed afgelei en dit is nou amper vergete. Dus, mens kan aflei dat as jy daardie boodskap uitkry, hierdie aanvalle na n tee party gaan begin lyk.

Tom

Unregistered
10-15-2013, 09:59 AM
of miskien soek iemand na die waarheid...............................

Unregistered
10-15-2013, 10:21 AM
haha, ek is teleurgesteld. Dit is maar n bra swak 'come back'. Ek het in spanning gewag vir die lekker storie om Bob van hoe die onbekende Lukas dinge daar beinvloed het.

Tom

Unregistered
10-15-2013, 12:45 PM
Maar Tom? Dan mis ons mos die punt, die punt is wat is die waarheid, nie lekker stories nie? Daarvan is daar mos genoeg op die site, of hoe? Die waarheid sal nog uit.....eendag

Unregistered
10-15-2013, 02:32 PM
Jy raak nou vervelig. As jy n punt het om te maak, maak dit, as jy die waarheid het om te vertel, vertel dit. Laat dit wat aan jou vreet, uitkom, sodat dit geoordeel kan word. SovÍr het jy nog net AKSKA probeer slegmaak, sonder enige sukses. Ek stel dus voor jy kom uit met die sak patats, as daar een is, of kry jou ry.

Unregistered
10-15-2013, 02:59 PM
".....sodat dit geoordeel"
Dus die mag om te oordeel is hier by AKSKA? Selfs 'n hof beslis oor 'n saak en oordeel daarna, snaaks. Nogals 'n verwronge beeld van 'n "etiese" organisasie :-)

Unregistered
10-15-2013, 03:17 PM
Soos ek vroer gesÍ het, n goeie begrip het n halwe woord nodig. Speel jy lekker met woorde? Beoordeel? Klink dit beter? Voel jy beter? Kan jy nou tot n punt kom?

Tom

Unregistered
10-15-2013, 03:41 PM
Yip, wat is die punt?
Intelligensie = Leuens Maklik
Wat is die waarheid? Dit is wat ek wil weet, die waarheid!

Unregistered
10-15-2013, 08:54 PM
Jy is reg Tom, die naamlose is of verveeld of benoud. As hy iets kon se wat die moeite werd was om te weet sou hy wou geldmaak daarmee.

Chris

Unregistered
10-15-2013, 10:40 PM
Die ou het niks om te se nie. Hy probeer net spasie tussen die plasings en die advertensie maak. Ignoreer hom en bring die skakel van die advertensie nader.

Ek doen dit sommer self. Lukas kan die prentjies inbring.

Unregistered
10-15-2013, 10:43 PM
Die ou het niks om te se nie. Hy probeer net spasie tussen die plasings en die advertensie maak. Ignoreer hom en bring die skakel van die advertensie nader.
Ek doen dit sommer self. Lukas kan die prentjies inbring.

http://youtu.be/bO-gBzTzha0

Unregistered
10-18-2013, 05:08 PM
Lukas, hoe maklik is dit nou om by AKSKA betrokke te raak?

Unregistered
10-18-2013, 05:42 PM
Jammer, ek het per ongeluk gepos en ek het maar net begin.

Lukas, hoe maklik is dit nou om by AKSKA betrokke te raak? Ek kry die gevoel dit gaan nie maklik vir nuwe mense wees wat belangstel nie.

SÍ nou die video 'tickle' hom en hy maak kontak met akskagroep.com. Dit sal n email moet wees, dink ek. Wat gebeur nou vÍrder? Mens moet die yster slaan terwyl hy warm is, maar hierdie mense gaan eers moet wag. Wag tot daar weer n kursus aangebied word of wag tot n aanlyn kursus beskikbaar word. Wat gebeur as n ou jou vandag kontak? Jy gaan baie vriendelik met hom/haar wees, maar die bottom line gaan wees hy/sy word 'op hold' geplaas. Nie waar nie? Minstens tot daar genoeg belangstelling in daardie area is en ons weet dit is nie maklik nie.

Volgens my is dit n seker manier om daardie persoon vir altyd te verloor. Ek voel sy belangstelling moet dadelik gevoed word. Hy moet dadelik kan aansluit en waarde vir sy moeite om jou te geskakel het kry. Dan kry hy n 'introduction' aanlyn kursus wat hom dadelik meer inlig waaroor dit gaan met n toets aan die einde. Slaag hy dit, kan hy opskuif na n hoŽr vlak en die volgende kursus doen, die keer meer intens. Dit behels dan ook n klein maandelikse aftrek order, net om te bewys jy is ernstig . SÍ R50 pm, met n keuse om ook maandeliks te spaar bo en behalwe dit vir die volgende 5 dag kursus. Se n vaste bedrag, net vir 12 maande, dan stop dit en kry hy n nuwe keuse. Gebeur die kursus voor die einde van die 12 maande, kry jy die kursus steeds verniet want jy het n afbetaal plan in plek.

Ek dink nou, uit my oogpunt, en ek is 'bias', want ek glo in die stelsel. n Nuwe persoon kan dalk nie so voel nie en moet stelselmatig in dit in groei en sy eie 'mind' opmaak. Wat ek sÍ is, miskien is my voorstel te agressief. Die punt is egter die yster moet geslaan word terwyl hy warm is en dit lyk nie vir my of dit die geval is nie.

Ek dink dit is ook meer in lyn wat jy met Swartberg wou doen, maar daar voel ek weer was nie genoeg waarde vir die persoon wat in afsondering iewers in die land sit nie. Hy het nie n groep om hom nie en kan niks toepas nie. VÍrder was jy bittermin betrokke.(Ek bedoel sigbaar vir die lede, agter die skerms glo ek was/is jy baie betrokke) As mens wou weet wat jy dink en sÍ, moes jy maar op AKSKA kom lees. AKSKA het in daardie opsig steeds meer waarde as Swartberg gegee en dit anoniem en gratis. Ek byvoorbeeld betaal die R100 n maand vir Swartberg van dag een af, sonder enige waarde wat ek daarvoor kry. Ek is die enigste in my dorp en gee die bydrae maar net om die mense daar bo wat wel iets probeer doen, by te staan. Ek glo nie daar is baie mense wat dit doen nie.

Iemand op twitter was gistraand baie bekommerd oor sy/haar ouers in Bfn, Pelisier, waar die ander moorde plaasgevind het. Daar het volgens hulle tekens verskyn. Mens weet dit kan ook toevallig wees of iets heel anders as tekens. Ek het hulle na jou verwys. Wat gebeur in so n geval?

Tom

Unregistered
10-18-2013, 05:44 PM
http://youtu.be/bO-gBzTzha0

Video adres.

Lukas
10-22-2013, 09:23 PM
Tom. Dit gaan wild en ons is wanneer ons kans kry, besig om aan die Swartberg model te verander.

Ja, dit is nie maklik om by AKSKA deel te word nie. Mense wat in die binnekant wil inkom, moet baie op offer. Hulle moet die boek lees en hulle moet kursusse bywoon voor hulle by AKSKA kan aansluit.

Die besigheid waar Pierre en Savage ons ingedompel het, het dinge nie makliker gemaak nie. Maar die einde is nou in sig en dit lyk of ons baie sterker aan die ander kant gaan uitkom as wat ons sonder die moeilikheid sou gewees het. Ons is besig om weer te groei en die dit lyk of ons met die wegspring, tot 10 keer sterker kan wees as wat ons was, toe ons die Eskom kontrak verloor het. Maar dit beteken ook dat dinge in die toekoms baie anders gaan werk.

Ons gemeenskap kontrak by Rhodes het nou tot ín einde gekom en ons is nog besig om aan die nuwe model te skaaf. Die beŽindiging van die Rhodes kontrak is nie ín einde nie. Ons het baie lesse geleer en ons gaan met die nuwe Rhodes kontrak, ín nuwe verbeterde gemeenskap model implementeer Dit gaan baie beter wees as wat dit was. Niks is nog in klip geskryf nie en ons sal dit weer ín ruk toets voor ons dit op ín groter skaal verder gaan uitbrei. Dit is ook ín goeie tyd omdat ons nou so met die nuwe model, ín groot gedeelte van die Oos-Kaap betrek.

Wat die Swartberg webblad betref. Jy is reg dat ek nie genoeg tyd kry om oral ín eier te lÍ nie. Ek wil die Swartberg webblad heeltemal staties maak waar ons net die Swartberg funksies kan bekendstel. Wat die AKSKA groep webblad betref, sal Baardman jou hopelik vandag bel. Hy het ook ín paar groot uitdagings gehad wat sy eie kontrakte betref het. En wanneer ín mens in die bruinbrood stadium is, gaan die lewe maar baie oor oorlewing en moet ín mens so kophou om die punte bymekaar te hou, dat daar nie baie tyd vir ander dinge is nie. Baardman is nou ook deur die ergste deel van sy drif en dit sal van nou af, wat samewerking met jou betref, ietwat beter gaan. Die huidige kontrakte wat hy gekry het, neem ín groot gedeelte van sy ure in beslag en dit gaan wild. Maar die goeie nuus is dat ons jou nou uiteindelik op die waentjie kan kry.

Die AKSKA webblad gaan vir jou ín groot uitdaging wees omdat ek op die kant van die voorblad ín plekkie vir advertensies wil maak waar besighede kan adverteer. In daardie spasie wil ek ook die AKSKA youtube clips en produkte adverteer.

Wat die gebruikers aansluiting by AKSKA betref, sien ek heelwat mense wat vir my eposse stuur sodat ek vir hulle ín wagwoord en ín naam kan skep om by die AKSKA gebruikers in te skakel. Van hulle kry dit reg om self te registreer en ander moet wag tot ek genoeg tyd kry om dit te doen.

Wat nuwe AKSKA lede betref, het ons heelwat lesers wat al jare saam met ons kom, en wat moontlik alreeds verstaan waarom ons nie die inligting wat ons oor die lang tyd ingesamel het, in die openbaar bekend kan maak nie. Dit is nou lesers soos jy en Noks om net twee te noem, wat ons denke verstaan en wat wat al baie lank lesers is.

Wat die huidige Swartberg lede betref, wonder ek of ons hulle nie ook AKSKA lede moet maak nie. Hulle is nou al baie lank Swartberg lede en ek voel dat hulle lank genoeg uitgehou het. Hulle bydraes het twee kante toe gewerk. Aan die een kant is dit soos ín versekering waar ons hulle kan help wanneer hulle probleme het. En aan die ander kant dra hulle by tot ons fisiese aktiwiteite om die Swartberg model verder te ontwikkel.

Ek dink dat die boek en ín kursus, nog altyd verpligtend moet wees, voor ons hulle deel van die AKSKA struktuur kan maak. Ons het te lank aan hierdie inligting gewerk en kan dit nie bekostig dat een opportuniste ons kennis aan die publiek openbaar maak nie. Gebeur so iets sal ons die voorsprong wat ons reeds bo die misdadigers het, kan verloor. Daarom Tom, is dit die rede waarom dit altyd moeilik sal wees om deel van AKSKA te word.

Ek hoop dat ek ín paar vrae beantwoord het.